Të shtëna armësh janë dëgjuar rreth orës 18:50 minuta në fshatin Ferras të Divjakës.
Lajmi konfirmohet nga policia lokale, e cila në njoftimin e saj për mediat shprehet se është qëlluar vetëm një herë.
Njoftimi i Policisë Divjakë:
Informacion paraprak
Sot rreth orës 18:50, në fshatin Ferras, Divjakë, dyshohet se një person ende i paidentifikuar ka qëlluar njëherë në ajër me armë zjarri.
Në vendngjarje ndodhet grupi hetimor dhe po punon për zbardhjen e plotë të kësaj ngjarje.
Shërbimet e Policisë po krehin zonën me qëllim kapjen e personit që dyshohet se ka qëlluar me armë zjarri.