Një bari i zonës në Maliq ka folur për vrasjen e Martin Çeços i cili u ekzekutua nga grupi i Valter Mollajt, ku ishte i lidhur me vajzën, që edhe Martini e pëlqente.
Vajza i shkruante Martinit, por nuk i tregonte për lidhjen me Valterin. Ndërkohë bariu i zonës, i cili ka gjetur shapkat e 26-vjeçarit, para se në vendngjarje të mbërrinte policia, ka treguar se tre vrasësit e kanë sjellë Martinin afër liqenit dhe më pas i kanë vënë litarin në fyt.
Ai tregon se Martini është tërhequr zvarrë me makinë nga tre personat dhe më pas është hedhur në liqen.
“Ata e tërhoqën zvarrë me makinë aty re. E mbytën. E sollën këtu dhe e tërhoqën zvarrë. E mbytën. Me litar në fyt dhe e tërhiqnin zvarrë me makinë, vinin vërdallë. E kanë bërë copë trupin. E kanë masakruar dhe e kanë sjellë me makinë zvarrë,” tregoi ai.
