Një ngjarje e rrallë ka ndodhur në Selanik të Greqisë teksa një burrë ka tentuar t’i shpëtojë arrestimit të policisë dhe ka përfunduar në det.
Arsyeja e arrestimit ishte sipas qyetarëve , pasi burri ofendonte dhe bënte gjestikulacione fyese ndaj njerëzve që bënin ushtrime fizike buzë detit.
Policët menjëherë nga thirrja e qytetarëve kanë shkuar në vendngjarje dhe i kanë vendosur burrit prangat, për ta çuar më pas në komisariat.
Por në përpjekjet e tyre për ta futur në makinë, burri ka arritur të shpëtojë duke vrapuar drejt detit dhe ka ra në ujërat e Thermaikos në Selanik.
Efektivët e policisë u hodhën në det dhe kapën për së dyti burrin duke i kërkuar të dorëzohet.
Sipas njoftimeve i arrestuari i kishte kërkuar policëve ta linin në det të vdiste. “Më lini të vdes, nuk dua të dal”, citohet të ketë thënë burri.
