Të paktën 27 persona kanë humbur jetën mbrëmë në një përpjekje për të kaluar nga Franca në Angli me varkë.
Viktimat besohet se janë më së shumti nga Iraku, dhe kurdë.
17 burra, 7 gra, një prej të cilave shtatzënë, dhe 3 fëmijë kanë humbur jetën në këtë incident tragjik.
Dy të mbijetuar janë në gjëndje të rëndë, në spitalin e Lilës në Francë.
Mediat po japin të dhënat më të fundit nga ky aksident.
Kanali që lidh Francën me Anglinë sa vjen e bëhet më i rrezikshëm.
Megjithë vështirësitë, sërish shumë emigrantë tentojnë çdo ditë të futen në UK.
Mendohet se viktimat po lundronin me një varkë të vogël dhe të vjetër. Distanca është rreth 32 kilometra. Ky trafik njerëzot ka sjellë shumë debate mes Anglisë dhe Francës.
