Miqve të tij u ka dërgur një mesazh me një shprehje nga Uinston Çërçill, e ngjashme me atë të karvanit dhe të qenve.
Një emision i mesjavës në Top Channel mund të ketë mbledhur thuajse çdo akuzë të mundshme që është bërë ndaj Fatmir Xhafës, duke konkluduar se shkarkimi i tij kishte ardhur si një urdhër i prerë nga kryeministri Edi Rama pas një debati.
Por Xhafaj nuk ka ndërmend që të ndalet dhe menjëherë e bëri një veprim: Doli në krah të Erion Veliajt për fushatë, në kohën kur ai nuk e ka marrë akoma ‘lajmin’ nga Edi Rama se do rikandidojë.
http://www.mapo.al/dosja-e-zeze-e-fatmir-xhafes-lidhjet-e-dyshimta-dhe-shkarkimi-ne-vend/
Analistët e njohur thonë se mes Veliajt e Ramës ka një krisje, që duket se po zgjerohet. Portalet spekulojnë se Veliaj po punon kundër Ramës, madje shohin tek protestat e studentëve dorën e tij. Këtë nuk e thotë vetëm Arjan Çani.
Portalet pranë të djathtës publikuan disa emra, që thuhet se janë njerëz të Erion Veliajt dhe Arlind Qorrit, një drejtues i Lëvizjes për Universitetin.
Por a mundet Qorri dhe Veliaj që të mobilizojnë një lëvizje kaq të madhe? Duket e pabesueshme si tezë, edhe pse të djathtët besojnë se Qorri po përdoret për të përçarë protestën.
http://www.mapo.al/si-lindi-protesta-qe-askush-nuk-e-pa-tek-vinte/
Këtu trajektorja ndryshon dhe gjërat bëhen pak lëmsh. Sipas Syri.net, Qorri ishte pjesë e grupit që nxori ministren Lindita Nikolla që të takonte studentët, por u refuzua prej këtyre të fundit.
Sido që të shkojnë punët, protesta e lindur si një flakë dhe e zmadhuar si një top bore në rrokullimë do të prodhojë shumë teori konspiracioni.
Fakt është se siç thotë një ish-ministre e larguar nga Rama, do të shohim shumë ‘telexhornale’.