Kryeministri Rama ka reaguar për herë të parë për tërheqjen e padisë kundër gazetës gjermane Bild e cila publikoi disa përgjime ku ishin disa eksponentë të Partisë Socialiste të përfshirë në një proces shit-blerje-votash.
Kryeministri Rama shkruan se ka vendosur që të heqë dorë nga kjo padi, pasi gjatë Konferencës së Sigurisë në Mynih, muaj më parë, është njohur me shefat editorialistë të BILD. Ai është shprehur se ky akt nga ana e tij, ishte diçka njerëzore.
Statusi i Ramës: Në greqishten e vjetër idiot quhej personi që s’duhet të merrej me çështje të interesit publik, po vetëm me punët e veta. Fatkeqësisht më kanë qëlluar kundërshtarë disa që politikën e kanë si nevojë personale dhe jashtënxjerrin papushim në publik idiotësinë e tyre!
Por paçka se fatmirësisht ky popull ua njeh erën prej kohësh dhe as u afrohet më, sqarimet duhen bërë për popullin jo për ta!
U njoha me shefat editorialistë të BILD gjatë Konferencës së Sigurisë në Mynih dhe kaluam aq bukur sa nuk pata më motiv për ta vazhduar gjyqin. Njerëzore!
LEXO EDHE:
Tiede-Ramës: Po ndjek gjurmët ku i gjete paratë për avokatin më të shtrenjtë në Gjermani
Etiketa: bild, padia, Rama, tërheqje
