Kryetari i Partisë Demokratike, i ftuar në emisionin ‘Log’ i garantoi qytetarëve të dëmtuar nga tërmeti i një viti më parë, se kjo gjendje do të përmirësohet dhe do të përshpejtohet sapo PD të vijë në pushtet.
Lulzim Basha tha se si me tërmetin dhe me pandeminë, vonimi i pashpirt i ndihmës ekonomike nga qeveria deri përpara zgjedhjeve, do të ndëshkohet nga qytetarët.
Basha tha se Partia Demokratike do ta trajtojë tërmetin si katastrofë kombëtare dhe shtoi se s’do ketë asnjë familje në çadra një muaj pas marrjes së zgjedhjeve.
Kreu i PD tha se sot qeveria i ka të gjitha mundësitë që brenda të strehojë në konteinerë të gjitha familjet që jetojnë në çadra, ndërsa shtoi se fondet për rindërtimin ekzistojnë por mungon vullneti i qeverisë.
