Presidenti i Parlamentit Evropian, David Sassoli, ka reaguar pas tërmetit të fortë me magnitudë 5.8 ballë, që tronditi Shqipërinë pasditen e së shtunës.
Përmes një mesazhi në “Twitter”, kreu i PE shprehet se është në mbështetje të popullit shqiptar dhe se Evropa është e gatshme të ndihmojë në rimëkëmbjen e kësaj situate të vështirë.
“Në këto orë të vështira, ne qëndrojmë me popullin shqiptar. Mendimet tona janë me ato që janë lënduar ose kanë humbur shtëpitë e tyre. Evropa është e gatshme të ndihmojë në rimëkëmbjen dhe rindërtimin”, shkruan Presidenti i PE.
