Një ditë më parë erdhi lajmi se Thomas Tuchel refizoi ofertën për të qenë trajneri i ardhshëm i skuadrës gjermane të Bayern Mynih.
Ky refuzim befasoi të gjithë, pasi bëhet fjalë për skuadrën më të mirë në Bundesligë, por duket se Tuchel kishte të tjera plane në mendje.
E përditshmja gjermane “Kicker” bën me dije sot se trajneri gjerman është përzgjedhur për të drejtuar Arsenal sezonin e ardhshëm, ku do të zërë vendin e francezit Arsene Wenger, që drejton “topçinjtë” prej 22 sezonesh.
Pak ditë më parë, trajneri i Borussia Dortmund u tha drejtuesve të Bayern se kishte nënshkruar me kohë për një skuadër tjetër, ndaj dhe refuzoi ofertën e kampionëve të Bundesligës. Kjo do të thotë që 44-vjeçari Tuchel ka rënë dakord kohë më parë për të drejtuar skuadrën e Arsenal në Premier League, ekip që po zhgënjen këtë sezon nën drejtimin e Wenger.
Lajmi pritet të zyrtarizohet ditët në vijim dhe Tuchel do të debutojë në Premier sezonin e ardhshëm, raporton TeleSport.
