Tirana është përzgjedhur nga Instituti Amerikan i Arkitekturës si një histori suksesi dhe shembull se si një qytet mund të transformohet edhe me pak buxhet.
“Kjo nuk është vetëm punë bashkie, kjo është punë qyteti, sidomos kur kontribuojnë të gjithë, edhe fëmijët, edhe të rriturit, edhe gjyshërit, edhe ata që mbjellin, ata që pastrojnë, që kujdesen për korsitë e biçikletave, që transformojnë hapësirat urbane, duke filluar nga Pazari i Ri tek Bulevardi i Ri”, u shpreh kryebashkiaku Erion Veliaj.
Veliaj tha se në vëmendjen e Bashkisë së Tiranës në planin e saj të investimeve do të jetë dhe përmirësimi i infrastrukturës në tre lagjet e reja të krijuara në kryeqytet, si pjesë e zonës urbane, të cilat do të emërtohen “Lagja 12”, “Lagja 13” dhe “Lagja 14”.
