Tirana shpallet kampione e Shqipërisë për sezonin 2021-2022. Bardheblutë e drejtuar nga trajneri Orges Shehi, kanë fituar titullin e 26-të në histori, si asnjë ekip tjetër.
Pas triumfit 2-1, në derbi ndaj Partizanit, Tirana e siguroi matematikisht këtë sukses, teksa kanë mbetur edhe 3 javë nga fundi i kampionatit.
Tifozët e Partizanit duket se nuk e kanë pranuar dot humbjen në derbi përballë Tiranës.
Pas sfidës, tifozeria e kuqe duket se ka sulmuar policinë me stolat e stadium it dhe me sende të tjera.
Për të qetësuar gjendjen, policia ka përdorur gazin lotsjellës.
Pavarësisht inateve të vjetra mes dy ekipeve, mund të thuhet se titulli kampion për Tiranën ishte i merituar këtë sezon.
