Detajet për shëndetin e kampionit të F1, Michael Schumacher, janë shumë të pakëta. Por së fundmi, revista gjermane Bunte thotë se kampioni po bën hapa të rëndësishëm pesë vjet pas aksidentit në Alpet Franceze.
Për të festuar 50-vjetorin e lindjes, Schumacher është vendosur në Majorka, në Port d’Andratx.
Revista thotë se Schumacher është zhvendosur nga Zvicra drejt Spanjës me një helikopter. Atje ai është vendosur në vilën e tij luksoze.
Revista thotë se kampionin e kanë nxjerrë jashtë dhe është ulur në një batanije me ngjyrë të errët. Një tendë e mbronte nga dielli i fortë.
Me të kishte edhe kujdestarë të shëndetit dhe disa truproja.
Familja Schumacher e ka blerë pronën në Majorka në vitin 2018 për 30 milionë euro. Klima e Majorkës do e ndihmojë shtatë herë kampionin e botës të marrë veten.
