Policia nuk e ndal dhunën ndaj qytetarëve. Rasti më i fundit është denoncuar në media, ku duken disa oficerë policie godasin 3 të ndaluar.
Në pamje shihen sesi nga dy furgonë të policisë së Pogradecit zbresin efektivë të shumë dhe ndalojnë tre të rinj.
Në tejkalim terësisht të kompetencave për personat e ndaluar si të dyshuar për vepra penale, efektivët godasin me shpulla dhe grushte të ndaluarit dhe i futin me forcë në makina.
Ky nuk është rasti i parë që policia akuzohet për dhunë ndaj qytetarëve. Më herë një 16-vjeçar i mitur u dhunua nga policia e Tiranës, ndërsa dhuna nuk ka munguar as në protestat për Teatrin Kombëtar.
