Një tjetër vrasje gjatë gjuetisë ka ndodhur në Dibër.
Dy të rinj kanë dalë bashkë për gjueti në vendin e quajtur “Malet e Obokut”, Maqellarë, dhe njëri prej tyre me inicialet R.GJ. ka plagosur me armë shokun (27 vjeç), i cili më pas ka humbur jetën në spital.
Dyshohet se R.GJ. e ka plagosur me çifte mikun e tij, nga pakujdesia. Ai është shoqëruar nga Policia në Komisariat, për të hedhur dritë mbi rrethanat e ngjarjes.
Risjellim në vëmendje se një ngjarje e tillë ndodhi më 26 nëntor, në Fushë-Bulqizë.
Njoftimi i Policisë:
Dibër
Dyshohet se nga pakujdesia plagosi me pasojë vdekjen shokun e tij, Policia shoqëron në Komisariat autorin e dyshuar.
Sekuestrohet arma e gjahut çifte.
Rreth orës 14:45, në vendin e quajtur “Malet e Obokut”, Maqellarë, dyshohet se kanë qenë për gjueti shtetasit R. Gj. dhe G. K. Shtetasi R. GJ. dyshohet se nga pakujdesia ka plagosur me armë gjahu çifte shtetasin G. K., rreth 27 vjeç, banues në Maqellarë, i cili ka humbur jetën në spital.
Menjëherë shërbimet e Policisë dhe grupi hetimor kanë shkuar në vendngjarje dhe kanë bërë shoqërimin e autorit të dyshuar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes.
