Aktualitet

Tomini: Asnjë prej rasteve me Delta nuk janë të shtruar në spital














Bëni LIKE faqen zyrtare në Facebook
               Publikuar në : 09:56 - 28/07/21 |
mapo.al

Zv/ministrja e Shëndetësisë Eugena Tomini deklaroi në “Log” me gazetarin Endri Xhafo se asnjë prej rasteve të konfirmuar me variantin Delta në Shqipëri nuk janë të shtruar në spitalin Infektiv.






Tomini theksoi se transmetueshmëria e lartë e këtij variant ka bërë që strukturat të jenë në alert, duke theksuar se rastet aktuale kanë klinikë të lehtë.


“Kemi 21 mostra me variantin Delta. 6 prej tyre janë të vaksinuar me vaksina të ndryshme. Nuk ndryshon asnjë masë tjetër. Kemi një situatë e cila është duke u monitoruar. Edhe pse kishim sinjale dhe të dhëna mbi histori udhëtimi, mostrat u dërgua në Berlin. Kishim indicie dhe dyshime. Jemi brenda të njëjtës klasë.







Pavarësisht se Delta ka transmetueshmëri të lartë, respektimi i masave janë të njëjta. Transmetueshmëria është nga kriteret që bën që të gjithë strukturat të jenë në Alert. Pavarësisht nga historiku, të dhënat që janë në sistem, kanë një historik të fillimit të shenjave në fund të majit. Dhe kuptohet që periudha e tyre në disa raste është mbyllur për shkak të klinikës së lehtë. Rastet aktuale kanë një klinikë të lehtë, nuk kanë klinikë të agravuar. Kanë shenja të përgjithshme virale.



Është shumë e rëndësishme të mos neglizhojmë asnjë shenjë. Rastet që janë të shtruar në spital janë të konfirmuar me COVID. Mostrat e dyshuara dërgohen drejt Berlinit. Nuk kemi të shtruar të përcaktuar me Delta të shtruar në spital. Shenjat e humbjes së nuhatjes apo shijes nuk janë gjetur në mënyrë sistematike te rastet me Delta. Diferenca është se nëse te rastet e mutacioneve të tjera, ose të infektuar me COVID, në këtë rast kemi rrufë, temperatura, dhimbja e fytit”, u shpreh zv/ministrja.

Lexo edhe :  Ulet numri i viktimave, 259 raste të reja me koronavirus në Kosovë


Ajo theksoi se nëse një individ është i pavaksinuar, i lë terren Deltës për t’u përhapur.

“Pavarësisht nëse është Delta apo COVID, hetimi duhet të jetë sa më i saktë, pavarësisht nëse është mutacion apo jo. ISHP i ka kapacitetet në detektimin me anë të PCR apo studimin e kontakteve edhe në rastet e historive të udhëtimit nga vendet ku Delta është përhapur më shumë. Sinjalet që ne dërguam u konfirmuan në Berlin.

Është e rëndësishme të dihet jo vetëm nga ana e popullatës, të dihet që Delta është prezent. Në ecurinë e pandemisë edhe Shqipëria nuk ka mbetur mbrapa për konfirmimin e mutacioneve. Është e rëndësishme të dihet prezenca që të merren masa. Nëse një individ është i pavaksinuar i lë terren Deltës për t’u përhapur”, tha ajo.

1


Etiketa: , , ,

CLOSE
CLOSE
Pas