Ish-kryetarja e Kuvendit Jozefina Topalli foli në Kuvendin Kombëtar të Partisë Demokratike edhe për krijimin e partisë së saj politike, “Lëvizja për Ndryshim”.
Akuzave që mund të ngrihen ndaj saj, Topalli iu përgjgij se nuk është larguar asnjëherë nga PD por PD është larguar nga demokratët. “Dikush do thotë se ti ike dhe krijove lëvizjen tënde. Nuk jam larguar nga PD. Ka ikur ajo nga demokratët”, u shpreh Topalli.
Ajo e cilësoi Foltoren si gjënë më të bukur që mund të ndodhte për të zgjuar strukturat. “Në vend të pranimit të humbjes, humbja nisi të quhej fitore. Shqiptarët nuk shikonin më alternativë. Ndiheshin të tradhtuar. Ajo që pamë më pas tregoi se nuk ishte thjesht perceptim. Në politikë thuhen disa gjëra të vërteta.
Prandaj jemi sot bashkë. Njeriu politikan shkatërrohet me politikën pa principe, Me pasurinë që nuk është fryt i punës. Opozita e PD nuk ka qenë kurrë e lehtë. Por ju jeni të ndërgjegjshëm që këtë opozitë nuk e meritonin. Foltorja ishte gjëja më e bukur që mund të ndodhte për të zgjuar strukturat. Kuvendi është një gur kilometrik në betejën për të gjetur veten tonë”, tha ajo.
“E dija sa e rrezikshme është me pasur të drejtë kur shefi e ka gabim. Mund të duket e çuditshme çdo mur mund të kthehet në portë. Në familjen time më kanë mësuar se njeriu mund të rrëzohet disa herë por nuk është kurrë i mundur. Partia jonë është e plagosur. Ne duhet të dalim nga trauma dhe hutimi. Si shoqëri kemi probleme me kulturën e demokracisë. Është paradoksale që autokracia po i bën demokracisë. Ajo që ndodh në klasën tonë politike është dëshmi e saj. Ne mund të vendosim shpresën para frikës. Ka nevojë për një kush që të jemi të vërtetë. Kam menduar se nuk është vetëm pushteti që korrupton por edhe frika. Ne do të bëjmë betejën tonë dhe do të fitojmë. Ne nuk kemi pse kemi frikë prej frikës. Kjo është gjëja që i kam thënë vetes shpesh. Kur kam hyrë në politikë kam qenë 30-vjeçe. Herën e parë kam provuar edhe armën mbi kokë. Herën e dytë edhe linçimin nga të mitë që ishte më rëndë se vetë arma.
Nuk do isha e vërtetë nëse do thoja që nuk e kam vuajtur. Jam ndjerë e vetmuar në beteja. Para se të më akuzonin për armike më kanë akuzuar për arrogancë. Ndaj jam sot këtu se e konsideroj situatën si një pikë kritike për vendin. Balancat janë prishur por çdo gjë është kthyer në korrupsion. Partia jonë është ende e plagosur. Ne duam të shërohemi po luftojmë që të shërohemi. Ne duhet të mësohemi se partia nuk është kryetari. Partia është ideëntifitet. Sot jam më optimiste se disa vite më parë. Erdha këtu edhe në nderim të trashëgimisë sonë. Kemi bërë shumë për vendin tonë. Kemi frymëzuar shqiptarët. Jam këtu se nuk kam ndërmend me ndaluar apo me qëndruar anash. Nuk ka mësues më të mirë se vështirësia”, u shpreh Topalli.