Tottenham fiton bindshëm derbin e Londrës Veriore dhe ngjitet i vetëm në krye të klasfikimit të Premier League në kuotën e 24 pikëve. Skuadra e Jose Mourinhos vijon momentin pozitiv në Premier League teksa regjistroi fitoren e 5-të në 6 ndeshjet e fundit ndërsa e e çoi në 10 numrin e ndeshjeve pa humbje.
Dy gola në pjesën e parë nga koreno-jugori Son i cili realizoi një supergol dhe Kane i mjaftuan Tottenhamit për të marrë tre pikët e radhës dhe për të zhytur në një krizë rezultatesh, Arsenalin. Në fund festa ishte e gjitha për rreth 2 mijë tifozët e Spurs që ishin në stadium.
U rikthye te fitorja pas dy humbjeve rresht edhe Leicester që falë një goli të kapitenit Jamie Vardy në minutën e 90-të, triumfoi 1-2 në transfertën e Bramall Lane ndaj Sheffield United të vendit të fundit. Ndërkohë fitore me goleadë me shifrat 1-5 për Crystal Palace në transfertën ndaj WBA.
