Gazetari Artan Hoxha dëshmoi para prokurorëve federalë këtë të martë në Belgjikë.
Ai thotë se është marrë në pyetje për 4 orë për çështjen e “Toyota Yaris”.
Hoxha u tregua i rezervuar për ato që ka thënë para prokurorëve belgë
“As dëgjova gjë dhe as mbaj mend gjë…po fare, fare”, thotë ai në një postim pasi doli nga zyrat e prokurorëve belgë.
Reagimi i gazetarit Artan Hoxha:
Në zyrat qendrore të Policisë Gjyqësore Federale të Belgjikës… Më pritën mirë mor vellezër, gjynah të qahem. Nga zyrat prej xhami te oficerëve federale belg, Brukseli kishte një pamje fantastike…
Katër orë brenda me federalet, për çështjen “Toyota Yaris”. Por se ç’u tha dhe se ç’u bë aty brenda, as dëgjova gjë dhe as mbaj mend gjë…po fare, fare. Kaq kisha….
Edhe keta federalet e Brukselit kisha mangut, se nuk me dalin prokuroret e SPAK-ut, apo prokurorite e rretheve gjyqesore te Shqiperise!!!! Gjithsesi, me duket se me mire do te behet…
