Aktualitet

“Tradhtia paguhet me vdekje”/ Dëshmia e shqiptarit që masakroi gruan





               Publikuar në : 20:15 - 10/12/19 |
mapo.al

Një burrë i akuzuar për vrasjen e gruas së tij, i dha jurisë së gjykatës se nuk e kishte vrarë, duke insistuar se ajo ishte gjallë.


Gjatë marrjes në pyetje sot, Fatos Xheta nxorri pretendime të shumta. Xheta, 46 vjeç, banues në Oksford, mohon akuzën për vrasje.



Prokurorët në Gjykatën e Kurorës në Oxford pretendojnë se ai goditi me thikë gruan e tij Safie, 35 vjeç me një thikë kuzhine, ndërsa ajo qëndronte në shtrat.


Ai më pas e ktheu tehun drejt vetes, pas sulmit i cili ishte i motivuar nga ‘xhelozia’.

Xheta pohoi se nuk mund të mbante mend kur erdhi për herë të parë në Britani të Madhe. Ai tha se nuk e mbante mend gjithashtu që ai dhe gruaja e tij të kishin punuar në fabrikën e BMW-s.

Kur u pyet nëse mund të kujtonte se jetonte në një shtëpi bashkë me gruan në Cowley, ai u përgjigj ‘çfarë është rruga e Lytton?’

I pyetur për detaje të natës para vrasjes së pretenduar ai përsëriti se nuk dinte asgjë dhe kur u pyet nëse e vrau gruan e tij ai tha thjesht ‘jo’.

Ai gjithashtu mohoi që kishte shkruar një letër sipas të cilit “tradhtia zgjidhet vetëm me vdekje”.

Pastaj Xheta u pyet nëse e dinte se si gruaja e tij pësoi lëndime fatale, të cilave u përgjigj: “Jo, nuk di asgjë“.

Xheta u tha vazhdimisht juristëve se mbante mend vetëm drejtimin e kamionit, punë të cilën e kishte bërë përpara se të mbërrinte në Britani vitin e kaluar.

Ward-Jackson e pyeti: “A është kjo e vetmja gjë që ju kujtohet në 46 vitet e jetës tuaj; ngasja e kamionit?”

Xheta u përgjigj: “Kam drejtuar kamion” dhe kur u pyet për të konfirmuar nëse kjo ishte gjithçka që mund të kujtohej, ai u përgjigj ‘po’.

Më vonë ai u pyet nëse e mbante mend gruan e tij dhe ai u përgjigj: “Po, ajo është gjallë, por ata thonë se ajo ka vdekur”.

Pavarësisht deklaratave të tij, hetuesit besojnë se dëshmitë sikur nuk mbante mend asgjë ishin të qëllimshme.

Xhetës iu shfaq gjithashtu një imazh i shtëpisë në Rrugën Lytton të cilën ai tha se nuk e njeh.

Ward-Jackson e pyeti: “Mos pretendoni të jeni budalla, shtëpia juaj nuk është ashtu?”

Ai u përgjigj:Po, është një shtëpi. Nuk e njoh atë, ajo është thjesht një shtëpi. Nuk mbaj mend se ku jetoja”.

I pyetur nëse kishte ndonjë problem mjekësor, ai iu përgjigj negativisht.

Teksa Ward-Jackson tha nëse kishte përgjigje për akuzën e vrasjes, Xheta u përgjigj: “Çfarë!”.

I pyetur nëse e kuptoi se gruaja e tij ishte e vdekur, ai u përgjigj: “Po, ata më kanë thënë, por nuk u besoj atyre, ajo është gjallë. “Nuk e kam vrarë, nuk kam vrarë njeri. Asnjëherë nuk kam pasur probleme”

Gjyqi vazhdon.

/Panorama/


Etiketa: , , ,

Pas