Agim Cerma, një trafikant shqiptar i drogës është arrestuar në Kolumbi dje nga Dea amerikane. Mediat e huaja bëjnë me dije se shqiptari i njohur me pseudonimin “Jimmy” kishte rolin e kokës së grupit.
Bashkë me të janë arrestuar edhe katër anëtarë të bandës që merrej me trafikun e drogës, me kërkesë një gjykate në SHBA.
Dyshimet janë se Cerma kishte marrë para në Europë për të blerë kokainën në zonat e prodhimit të paligjshëm në Cauca dhe për të garantuar transportimin e saj me fluturimet Charter përmes aeroportit Alfonso Bonilla Aragón de Palmira (Valle del Cauca).
Sipas autoriteteve ka të dhëna se paratë kishin hyrë në Kolumbi përmes ndërmjetësve financiarë. Hetimet kanë zbuluar se Cerma dhe bashkëpunëtorët e tij kishin një grup të cilësuar me ‘Clan del Golfo’ në rajonin e Urabá dhe bashkëpunonin me grupe të tjera në zonë për të blerë lëndën narkotike.
Përveç Agim Cermës, janë arrestuar:
William Cruz Pérez, i cili ishte njeriu i besuar i tij dhe personi i ngarkuar për koordinimin e blerjes dhe magazinimit të kokainës, dhe krijimin e vendeve për dorëzimin e parave.
Pedro Antonio Penagos Londoño, dyshohet se është përgjegjës për mbledhjen e drogës në ndërtesat pranë Aeroportit Alfonso Bonilla Aragón.
Jairo Fernando Cardona López, i akuzuar për kontakte me kontrollorët ajrorë dhe personelin e sigurisë nga terminali ajror për të lejuar hyrjen dhe daljen e kartave.
Edwin Durlandy Montilla González, alias Kimist, dyshohet se merrej me përpunimin e klorhidratit të kokainës në laboratorët në Caucën Veriore.
Gjatë aksionit për identifikimin dhe kapjen e anëtarëve të dyshuar të këtij grupi të trafikut të drogës, u sekuestruan më shumë se 333 kilogramë kokainë dhe më shumë se 2,000 milion pesos.
Etiketa: Agim Cerma, arrestime, Charter, kolumbi, trafikonte droge
