Një aksident i rëndë është regjistruar këtë në hënë tek vendi i quajtur Ura e Goricës në Berat, ku një makinë ka dalë nga rruga dhe ka përfunduar në lumë.
Në mjet po udhëtonte një grua me fëmijën e saj, të cilët kanë humbur jetën.
“Rreth orës 14:00, në rrugën urbane “Antipatrea”, pranë vendit të quajtur “Ura e re”, shtetasja K. Xh., duke drejtuar mjetin tip “Benz” ka humbur kontrollin dhe ka rënë në lumë.
Për pasojë kanë humbur jetën drejtuesja e mjetit dhe fëmija i saj rreth 6 vjeç”, thuhet në njoftimin e policisë.
Grupi hetimor në vendngjarje po kryen veprimet për zbardhjen e shkaqeve të aksidentit.
