Një ngjarje e rëndë ka ndodhur në Ohaio, SHBA, ku një burrë 47-vjeçar ka vrarë bashkëshorten, dy fëmijët e tij 13 dhe 7 vjeçarë dhe më pas është vetëvrarë.
Katër anëtarët e familjes u gjetën të vdekur në shtëpinë e tyre në ditën botërore të baballarëve (19 qershor), sipas policisë lokale.
Krimi u zbulua kur një i afërm i vizitoi ata dhe pasi askush nuk hapi derën, ai telefonoi autoritetet. Sipas medieve të huaja, 47 vjeçari vuante nga ankthi post-traumatik.
“Unë e di që ai kishte çrregullim të ankthit post-traumatik nga ushtria“, tha i afërmi i familjes, sipas New York Post.
Versioni i ankthit post-traumatik konfirmohet edhe nga vëllai i47-vjeçarit, i cili përmes postimit të tij në Facebook ia atribuon ngjarjen tragjike ankthit.
Mësohet se autori, Nicholas Mavrakis, është greko-amerikan dhe ka shërbyer në ushtrinë amerikane për 20 vjet.
