Një ngjarje tragjike ka ndodhur në Gateshead të Britanisë së Madhe pasi një vogëlush 5-vjeçar është asfiksuar teksa kishte futur kokën në një tollumbace në formë dinosauri.
“Ai më kërkoi të shkonte në tualet. Ai u fut në shtëpi, ndërsa ne ishim në kopsht për të marrë pak rreze dielli.
Nuk e pashë të kthehej dhe hyra edhe unë në shtëpi. Por i vogli im ishte në tokë, me atë tullumbace të mallkuar të fryrë në formë dinosauri, të mbërthyer në kokën e tij, deri në qafë.
Ai nuk merrte frymë. E hoqa menjëherë, por e pashë që ishte asfiksuar”, rrëfen nëna e tij Lisa Donaghey.
“Karlton ishte i kënaqur me atë udhëtim në The Hoppings. Ai ishte i kënaqur teksa luante tek slita, rrota e Ferrisit dhe lojërat me ujë.
Por ai nuk kërkoi t’i blinim asgjë. Për këtë vendosëm ta shpërblejmë me atë tullumbace në formën e një dinosauri, që i pëlqeu aq shumë”, shprehet në lot nëna e tij.
Nëna, e tronditur përgjithmonë nga vdekja e djalit të saj më të vogël, paralajmëroi në Facebook për dëmin që mund të shkaktojë thithja e vazhdueshme e heliumit:
“Kujdes, është shumë e rrezikshme. Dua që prindërit, gjyshërit, asistentët e kujdesit për fëmijët, studentët të jenë të kujdesshëm në mënyrën se si e përdorin atë”, tha ajo.
