Një 30-vjeçar shqiptar është vrarë me thikë dy ditë më parë në Londër. Mediat e huaja bëjnë me dije, se viktima është Olsi Kuka.
Pas thirrjeve, policia shkoi në vendngjarje, pak pas orës tre të mëngjesit dhe e gjeti Kukën të plagosur, në zonën e Barnet, në Londër.
Pavarësisht përpjekjeve të shërbimeve të urgjencës, ai shpall i vdekur në vendngjarje. Ndërkohë, për krimin janë arrestuar 3 persona: Dy burra, 33 dhe 25 vjeç , si dhe një grua 24 vjeç, e cila u lirua më vonë.
NMë herët, policia arrestoi një 33-vjeçar si të dyshuar për vrasje, por e liroi pa asnjë veprim të mëtejshëm.
Oficerët e policisë janë në kontakt me familjen e viktimës, si dhe apelojnë që kushdo që ka informacion për ngjarjen, të kontaktojë në numrat e policisë.
