Humb jetën tragjikisht i shtypur nga treni një i ri shqiptar në Itali. Ai është identifikuar si Marko Kaziu, 20 vjeç, ndërsa ngjarja e rëndë ndodhi dje në qytetin e Castelfiorentino-s. Ai kishte tentuar të kalonte shinat, por ka pasur kufje në vesh dhe nuk ka qenë i vëmendshëm të dëgjonte se treni i ishte afruar shumë, aq sa e mori përpara dhe e tërhoqi disa metra zvarrë.
Ndërhyrja ishte e shpejtë dhe në vend mbërriti edhe nje helikopter për ta transportuar në spital, por gjendja ishte e pashpresë.
Edhe kryebashkiaku i qytetit Castelfiorentino, ka postuar një mesazh ngushëllimi për familjen e shqiptarit në Facebook: “Komuniteti i Castelfiorentino shpreh ngushëllimet për familjen e të ndjerit”.
Lidhur me ngjarjen e rëndë, një fotograf qe ka qenë dëshmitar ne vendin e aksidentit, Francesco Nigi ka postuar një mesazh në Facebook, duke denoncuar qëndrimin e frikshëm të kalimtareve që ishin në atë moment.
“Treni sapo përplasi një djalë në Castelfiorentino. Nuk e di nëse është gjallë, pasi skena që pashë me la te tronditur. Gjëja që më tmerroi me të vërtetë ishin njerëzit që qeshnin. Pavarësisht nga gabimet dhe pakujdesia e djalit që kalonte shinat nderkohe qe mberrinte treni, nuk mund te qeshesh me vdekjen e nje njeriu” – shkruan fotografi italian.
