Nga Tropoja ku mbajti ‘Foltoren’ e radhës, ish-kryeministri Sali Berisha u shpreh se Basha me një grusht vasalët po përpiqet që të mbledhë firma, duke ofruar poste drejtoresh dhe zv. ministrash në kabinetin e Edi Ramës.
Ai theksoi se ata të futen në qeveri, por do t’i përmbysen si tradhtarë nga demokrat në një kohë sa më të shkurtër bashkë me Ramën.
Sali Berisha: Basha me një grusht vasalët po përpiqet që të mbledhë firma, duke ofruar poste drejtorash dhe zv. ministrash në kabinetin e Edi Ramës. Ky është akti i fundit i turpit. U themi që të futen në qeveri, por do t’i përmbysim si tradhtarë së bashku në një kohë sa më të shkurtër.
Ne jemi në prag të një ngjarjeje historike, të rithemelimit të PD-së me firmat e anëtarëve të saj sepse udhëheqja është marrë peng. Rikthemelojmë pluralizimit, sepse pa opozitë të fortë nuk ka pluralizëm të fortë. Ne do të jemi opozitarë të vërtetë.
