Aktualitet

Trump ironizon masat anti-covid, Biden “Ke fyer viktimat”








Bëni LIKE faqen zyrtare në Facebook
               Publikuar në : 12:19 - 29/10/20 |
mapo.al

Presidenti Donald Trump u ka kërkuar shteteve të shmangin izolimet  ndërsa rivali i tij demokrat Joe Biden tha se pandemia nuk mund të ndalet sa hap e mbyll sytë.


Gjatë fushatave të tij, z.Trump ironizoi rregulloren anti-covid dhe mbajtjen e maskave.




Biden tha Trump po ndikon në përkeqësimin e krizës së koronavirusit në Amerikë dhe nëpërmjet deklaratave të tij po fyen viktimat e saj.


Demokrati ka një epërsi të fortë kombëtare ndaj presidentit Republikan gjashtë ditë para zgjedhjeve të 3 nëntorit. Por përparësia e Joe Biden është më e ngushtë në një numër të madh shtetesh amerikane të cilët kanë në dorë se kush fiton Shtëpinë e Bardhë.


Më shumë se 75 milion amerikanë kanë votuar deri tani, gati 50 milion prej tyre me postë, shifër rekord në raport me kushtet e pandemisë.

Kujtojmë se vdekjet nga koronavirusi po rriten në 39 shtete të SHBA dhe një mesatare prej rreth 800 njerëzish po vdesin çdo ditë në të gjithë vendin.

Lexo edhe :  Preket nga koronavirusi djali i madh i Donald Trump

Duket se dy rivalët kanë qasje të ndryshme mbi pandeminë e koronavirusit.

Në një deklaratë virtuale, demokrati Joe Biden tha se ai nuk do të bënte fushata me premtime të rreme dhe se pandeminë nuk mund ta zhdukte si me magji.

Biden, i cili nuk ka përjashtuar izolimet e mëtejshme, u zotua të lejojë shkencën të drejtojë situatën e pandemisë.

“Edhe nëse fitoj, do të duhet shumë punë për t’i dhënë fund kësaj pandemie,” tha ai. “Unë e premtoj këtë, ne do të fillojmë ditën e parë duke bërë gjërat e duhura.”

Demokrati dhe gruaja e tij Jill Biden votimuan pas deklaratës ndërsa Trump votoi të shtunën në Florida./BBC/

Përshtati: Mapo.al


Etiketa: , ,

Pas