Nga Spartak Ngjela
Portale dhe gazeta shqiptare të paguara nga Athina zyrtare, për antishqiptarizëm. Turp kombëtar! Dhe mos mendoni se kjo është një sëmundje e re antishqiptare e shqiptarëve të shitur, kjo është një sëmundje e vjetër tashmë, rreth 150-vjeçare.
Po nuk janë vetëm portalet dhe gazetat të financuara nga Athina zyrtare për antishqiptarizmën, se do shihni edhe politikanë të tillë. Por njëherësh duhet të theksojmë se individë të tillë nuk janë të paguar vetëm nga Athina zyrtare, por edhe nga Beogradi zyrtar. Ka sigurisht të paguar edhe nga kompani ruse të financuara nga Moska – zyrtare që i kanë blerë dhe mbështesin antishqiptarizmin në politikën e lartë; gazetarë dhe pronarë portalesh e gazetash, pseudoanalistë etj.
Kam përshtypjen se këtë çështje duket sikur e ka marrë në dorë FBI. Por nëse ky do të jetë një aksion për pastrimin e thirrit dhe blozës antishqiptare të gazetarisë dhe politikës shqiptare, ky në fakt do të jetë, gjithashtu, një hap gjigant përpara për vendosjen e moralitetit në shtetin shqiptar dhe në strukturimin politik dhe shoqëror të Shqipërisë.
Duhet që ky denoncim të vijë e të ecë paralel me Reformën në Drejtësi. Por a do t’iu blatojë këtë benefic politika amerikane shqiptarëve, sot kur shqiptarët rezultojnë populli i parë proamerikan në botë? Shqiptarët janë sot 97 për qind proamerikanë dhe po kërkojnë rivendosjen e të drejtës së vet historike. Shqiptarët sot janë aleati kryesor i Amerikës jo vetëm në Ballkan, por edhe në rrafsh botëror. Pikërisht për këto, unë mendoj se FBI dhe politika amerikanë do ta çojnë deri në fund këtë çështje, e cila është jetike për historinë e re të Shqipërisë së bashkuar.
i pari esht vet ngjeöa,i dyti mero baze,treshin e zen anila basha me karlo bolinon,ne radh vangjeli,mingjozi,sokol nalla,vasjari,dy vllezrit nazarko.te tjeret jan minj te vegjell vullnetar grek.