Aktualitet

U arratis nga burgu dhe u konfliktua me një person, bie sërish në pranga 38-vjeçari





Bëni LIKE faqen zyrtare në Facebook
               Publikuar në : 11:11 - 06/07/20 |
mapo.al

Ka shkuar në tre numri i të ndaluarve në vijim të operacionit policor të koduar “Tushemishti”. Në prangat e policisë ka rënë 38-vjeçari, Andrea Pilici i shpallur në kërkim.


Arrestimi i tij u bë nga shërbimet e Komisariatit të Policisë Pogradec, në qytetin e Sarandës


Pilici ka precedent të mëparshëm penal në fushën e prodhimit e shitjes së narkotikëve dhe armëmbajtjes pa leje.


Në banesën e tij u gjet një armë zjarri tip pistoletë me municion dhe një sasi prej 47 gramësh kokainë, të cilat iu sekuestruan në cilësinë e provës materiale.


Për të ishte caktuar masa e sigurisë “Arrest në burg”, për veprat penale “Largimi i të burgosurit nga vendi i qëndrimit” dhe “Plagosja e lehtë me dashje” në lidhje me ngjarjen e ndodhur në datën 26.04.2020, kur ai theu masën e sigurisë dhe u konfliktua me një person tjetër.

Njoftimi i Policisë:

Pogradec

Vijon operacioni policor i koduar “Tushemishti”.

Shkon në tre numri i të ndaluarve në kuadër të këtij operacioni.

Vihet në pranga 38-vjeçari i shpallur në kërkim, me precedent të mëparshëm penal në fushën e prodhimit e shitjes së narkotikëve dhe armëmbajtjes pa leje.

Specialistët për Hetimin e Krimeve në Komisariatin e Policisë Pogradec, në vijim të veprimeve të kryera në kuadër të operacionit të koduar “Tushemishti”, si rezultat i të cilit u arrestuan në flagrancë 2 shtetas dhe u shpall në kërkim 1 tjetër, në bazë të informacioneve të siguruara në rrugë policore, bënë të mundur ndalimin e shtetasit në kërkim:

A.P., 38 vjeç, banues në Tushemisht, Pogradec (i dënuar më parë për veprat penale “Armëmbajtja pa leje” dhe “Prodhimi e shitja e narkotikëve”).

Gjykata e Rrethit Gjyqësor Pogradec, me vendimin e datës 29.04.2020, ka caktuar për këtë shtetas masën e sigurisë “Arrest në burg”, për veprat penale “Largimi i të burgosurit nga vendi i qëndrimit” dhe “Plagosja e lehtë me dashje” në lidhje me ngjarjen e ndodhur në datën 26.04.2020, ku ky shtetas theu masën e sigurisë dhe u konfliktua me një shtetas tjetër. Në banesën e këtij shtetasi u gjet një armë zjarri tip pistoletë me municion dhe një sasi prej 47 gr. lëndë e dyshuar narkotike kokainë, të cilat iu sekuestruan në cilësinë e provës materiale.

Ndalimi i këtij shtetasi u bë nga shërbimet e Komisariatit të Policisë Pogradec, në qytetin e Sarandës. Materialet i kaluan Prokurorisë së Rrethit Gjyqësor Pogradec.


Etiketa: ,

Pas