21-vjeçari Kristjan Medolli u arratis nga salla e gjyqit në Korçë, aty ku do të jepej masa e sigurisë për të, pasi ishte arrestuar për vjedhje.
Pak pas arratisë, policia arriti ta vërë në pranga 21-vjeçarin në afërsi të kodrave të qytetit të Korçës. Policia bën të ditur se ai u kap duke u fshehur në afërsi të azilit të Korçës, afër kishës së Shën Thanasit, i futur nëpër ferra e shkurre.
Mësohet se ai ishte vënë në pranga dy ditë më parë, pasi akuzohet për vjedhjen e një banese në fshatin Qatrom.
