Kryeministri Edi Rama ka shkarkuar nga detyra kryebashkiakun e Lushnjes, Fatos Tushe.
Një ditë më parë, kryebashkiaku prej tre mandatesh, u arrestua me urdhër të SPAK për korrupsion me tenderat. vendimi është marrë ditën e sotme në mbledhjen e Këshillit të Ministrave dhe mban firmën e kryeministrit.
Në vendimin e firmosur nga Rama thuhet se shkarkimi i kryebashkiakut Tushe nga detyra është bërë, për shkak të shkeljeve të rënda të kryera prej tij.
Ai akuzohet se ka favorizuar ofertuesin më të lartë për tenderin e një kanali vaditje, me vlerë 23.2 mln lekë të reja.
Bashkë me Tushen u arrestuan edhe zyrtarë të tjerë të Bashkisë Lushnje si dhe biznesmenë.
Flamur Peqini, Gazmend Çela, Bektash Nexha dhe Blerta Turku, punonjës të Bashkisë do të përballen me akuzën akuzën për “Shkelje e barazisë së pjesmarrësve në tendera apo ankande publike”.
Në pranga janë vendosur dhe administratori i kompanisë “Loti”, Ibrahim Lami, i akuzuar për falsifikim dokumentesh dhe Bujar Murati i kompanisë “Euro Alb” sh.p.k po për të njëjtën akuzë.
LEXO EDHE:
Korrupsioni – Arrestohet njeriu i besuar i Ramës dhe Braçes në Lushnje
