Aktualitet

U gjet pranë një toke me kanabis/ 58-vjeçari tenton të arratiset, përfundon në pranga





Bëni LIKE faqen zyrtare në Facebook
               Publikuar në : 13:30 - 20/06/20 |
mapo.al

Një 58-vjeçar, banues në Tiranë, është vendosur në pranga, pasi gjatë një kontrolli në fshatin Ibë e poshtme u gjet pranë disa fidanëve të mbjellë, të dyshuar si kanabis sativa.


58-vjeçari, i identifikuar si Petrit Salla, sapo ka vënë re forcat e policisë, ka tentuar të largohet, por nuk ia ka dalë dhe ka përfunduar i arrestuar nga forcat e policisë.


Dyshohet se ai ka tentuar të kultivojë 175 rrënjë kanabis, të mbjella në tokën ku u arrestua.


Njoftimi i Policisë:


Tiranë

Vijon kontrolli masiv i territorit, për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike.

Finalizohet operacioni policor antikanabis i koduar “Bërzhita”.

Vihet në pranga një shtetas, autor i dyshuar i tentativës për kultivim të kanabisit.

Procedohet penalisht kryeplaku i fshatit Ibë e poshtme.

Në vijim të punës për kontrollin e territorit, me qëllim goditjen e veprimtarisë kriminale në fushën e kultivimit të narkotikëve, specialistët për Hetimin e Krimit në Komisariatin Nr. 1, bazuar edhe në informacionet e siguruara në rrugë operative, organizuan dhe finalizuan operacionin policor të koduar “Bërzhita”, në kuadër të cilit u bë arrestimi në flagrancë i shtetasit:

P.S., 58 vjeç, banues në Tiranë.

Gjatë kontrollit të ushtruar në një sipërfaqe të pyllëzuar në fshatin Ibë e poshtme, janë gjetur fidanë të mbjellë, të dyshuar si cannabis sativa dhe në afërsi të tyre është konstatuar shtetasi P. S., i cili ka tentuar të largohet, por është arrestuar në flagrancë nga shërbimet e Policisë.

Materialet i kaluan Prokurorisë së Rrethit Gjyqësor Tiranë, për veprime të mëtejshme.


Etiketa:

Pas