Një 35-vjeçar është ndarë nga jeta për shkak të Covid-19. Jo më larg se dje, Qazim Berisha ndau për Report Tv simptomat, si dhe tregoi se si ishte infektuar në punë.
Ai ndodhej i shtruar prej ditësh në spitalin Covid 2, teksa luftonte me virusin vdekjeprurës.
“Isha në punë, punoja në një restorant edhe më kapi pa e ditur fare. Kisha një ngushtim në mushkëri, në frymëmarrje dhe më pas kisha këputje”, – tregoi Berisha për gazetaren Migena Sotiri.
I riu gjithashtu përcolli një mesazh për moshën e re, pa e ditur se do të shndërrohej kështu në porosinë e tij të fundit. “Duhet të keni shumë kujdes, mua nuk ma priste mendja dhe nuk e besoja, por është një virus shumë shumë i rëndë.”
Risjellim në vëmendje se në 24 orët e fundit humbën jetën 13 pacientë, më e reja 28 vjeç, si dhe rezultuan të prekur nga koronavirusi 1130 qytetarë.
Në 4 spitalet COVID janë të shtruar 431 pacientë, 25 kanë hyrë në terapi intensive dhe 12 tashmë janë në jetë vetëm falë frymëmarrjes artificiale.
