Aktualitet

U kapën me drogë në makinë, lirohen Azem Hajdari dhe shoku i tij














Bëni LIKE faqen zyrtare në Facebook
               Publikuar në : 12:29 - 27/07/21 |
mapo.al

Gjykata e Elbasanit ka lënë të lirë Azem Hajdarin, djalin e heroit të demokracisë Azem Hajdari dhe gjyqtares së Apelit Tiranë, Fatmira Hajdari, i cili u kap me 8.8 gramë kanabis në makinë.






Gjyqtari Taulant Tafa vendosi ndaj tij dhe shokut Ergi Gjumsi masën e sigurisë “detyrim paraqitje” edhe pse prokurori Ritvan Suka kishte kërkuar caktimin e masës së “arrestit në burg” me afat 1 mujor për ta.


Arrestimi i tyre u bë me 23 korrik. Sipas materialeve hetimore, orës 19:50 punonjësit e policisë së Elbasanit kanë kontrolluar automjetin tip ”Audi” me targe AA 330 YZ, me sens lëvizje nga Bradasheshi në drejtim të Elbasanit.







Në makinë udhëtonin 3 persona, drejtuesi i automjetit ishte Ergi Gjumsi, pasagjer në vendin e parë, Azem Hajdari dhe një vajzë, e fejuara e këtij të fundit, e ulur në sediljen e pasme.

Lexo edhe :  Berisha përkujton Azemin; frymëzim për të hedhur në kosh regjimin e veglën mjerane në krye të PD


Gjatë kontrollit fizik të Azem Hajdarit, në xhepin e majtë të tutave sportive është gjetur një cigare të dredhur, me filtër, e mbushur me lëndë e dyshuar si ajo e kannabis sattiva.



Ndërkohë gjatë kontrollit fizik të automjetit me targa AA 330 YZ në sediljen e pasme është gjetur një çantë, ngjyrë kafe me kuadrate, marsup meshini, me rrip ngjyrë kafe.

Brenda saj janë gjetur 5 paketime të mbështjella me letër alumini ngjyre varaku, ku brenda tyre kish material bimor i cili për nga aroma dhe karakteristikat ngjason me atë të lëndës narkotike bimore te llojit ”Cannabis sattiva”.

E gjithë sasia e drogës e sekuestruar në cilësinë e provës materiale, ishte 8.8 gramë, duke përfshirë dhe ambalazhin njofton prokuroria.

Të tre të rinjtë po udhëtonin nga Tirana në Pogradec, për të shkuar tek shtëpia e Ergit.

1


Etiketa: , , ,

CLOSE
CLOSE
Pas