Sllovenia deklaroi se do të rrëzojë gardhin me gjatësi 200 kilometra në kufirin e saj me Kroacinë, pasi nuk përmbushi qëllimet për të penguar emigrantët.
Ai u krijua gjatë krizës së migracionit në Evropë të vitit 2015 dhe mbulon rreth një të tretën e kufirit midis dy vendeve.
“Gardhi nuk e ka përmbushur qëllimin e tij të deklaruar, i cili ishte të dekurajonte ata që do të donin të kalonin kufirin,” tha kryeministri i ri i Sllovenisë, Robert Golob, i cili e bëri heqjen e pengesës pjesë të fushatës së tij të fundit zgjedhore. “Numri i të ardhurve të paligjshëm është rritur që nga fillimi i vitit”, shtoi Golob.
Përveç kësaj, organizatat e të drejtave të njeriut dhe policia kanë paralajmëruar se për shkak të pranisë së pengesës, shumë emigrantë të paligjshëm marrin rrugë më të rrezikshme për të hyrë në Slloveni.
Golob mori detyrën muajin e kaluar, pasi partia e tij e vogël liberale Lëvizja e Lirisë (GS), triumfoi në një zgjedhje parlamentare në prill.
Ai premtoi rivendosjen e “normalitetit” dhe demokracisë, pas mandatit të paraardhësit të tij Janez Jansa.
