Aktualitet

U përfol si aktiviste, dalin në dritë financimet politike të Greta Thunberg





               Publikuar në : 21:30 - 10/12/19 |
mapo.al

Greta Thunberg, në më pak se një vit është bërë ikonë globale kundër ndryshimit të klimës. Por sipas hulumtimit të “The Sunday Times” rezulton se suksesi i madh i saj është nxitur dhe promovuar nga lobet e mëdha dhe ndërmarrjet e energjisë së gjelbër që do ta përdornin 16-vjeçaren si një shtizë për të “lehtësuar kalimin në korporatizëm”.


Greta Thunberg u bë e njohur me grevën e saj të famshme shkollore para Parlamentit të Suedisë, në gusht të vitit të kaluar. Më pas Ingmar Rentzhog postoi një fotografi të vajzës në faqen e tij në ‘Facebook’ dhe po atë pasdite gazeta me qarkullimin më të madh në vend, “Dagens Nyheter”, botoi rrëfimin e Gretës.



Gazeta britanike bën lidhjen e adoleshentes me manjatin, Ingmar Rentzhog, presidentin e “Think Tank” (laborator idesh dhe kërkimesh). Në këtë laborator janë anëtarë politikanë suedezë socialdemokratë me drejtuesit e kompanive të mëdha të energjisë në vend.


Kush fshihen pas Greta Thunberg?

Prindërit e Gretës kanë një marrëveshje me Rentzhog, por përpiqen ta mbajnë atë të fshehtë.

Arsyeja pse prindërit e saj kanë mohuar gjithmonë se ekziston një bashkëpunim me Rentzhog është sepse: themeluesi i platformës “Ne nuk kemi kohë” është gjithashtu presidenti i Global Utmaning (i njohur më mirë si Global Challenge), ku përfshihen liderët, drejtuesit e kompanive të energjisë dhe madje edhe politikanët. Për familjen Thunberg, është e rëndësishme që imazhi i tyre të mos dëmtohet nga interesat e palëve të treta.

Themeluesi i Global Challenge është Kristina Persson , ish-anëtare e Partisë Social Demokratike dhe ministre e qeverisë Suedeze midis 2014 dhe 2016. Anëtarët e tjerë të “Think Tank” janë: David Olsson, anëtar i Svenska Bostadsfonden, një nga fondet më të mëdha të pasurive të patundshme të Suedisë, që i përket Bordit Rentzhog; Gustav Stenbeck , familja e të cilit kontrollon kompaninë suedeze të investimeve Kinnevik.

Bordi gjithashtu përfshin Petter Skogar, president i KFO, shoqata më e madhe e punëdhënësve në Suedi, dhe Anders Ëijkman, ish-president i Klubit të Romës dhe anëtar i Parlamentit Evropian midis 1999 dhe 2009.

Një tjetër anëtar i shquar është Nystedt Ringborg, këshilltar në Agjencinë Ndërkombëtare të Energjisë dhe ish-nënkryetar i korporatës shumëkombëshe zvicerane-suedeze ABB që operon në fusha të robotikës dhe energjisë, ndër të tjera.


Etiketa: , ,

CLOSE
CLOSE
Pas