Ka ndërruar jetë gazetari Peter R. de Vries, i cili u plagos rëndë me armë javën e kaluar në Holandë. Mediat lokale njoftuan se De Vries i cili u sulmua dhe u plagos rëndë më 6 korrik vdiq në spitalin ku po trajtohej.
Kryetarja e Amsterdamit, Femke Halsema njoftoi se De Vries u qëllua nga të shtënat me armë në qendër të Amsterdamit mbrëmjen e 6 korrikut, ku u dërgua në spital me dëmtime serioze dhe gjendja e tij ishte e rëndë.
Halsema tha se De Vries u sulmua teksa po ecte drejt automjetit të tij pasi ai mori pjesë në një program në studion e televizionit RTL. Halsema theksoi se De Vries ishte një gazetar i guximshëm. “Ai është një hero popullor”, tha ajo.
Gazetari 64-vjeçar, i cili luajti një rol të rëndësishëm në deshifrimin e organizatave të krimit të organizuar në Holandë, ishte i njohur për lajmet e tij të guximshme për botën e krimit.
De Vries gjithashtu fitoi Çmimin Ndërkombëtar Emmy në kategorinë e çështjeve aktuale në vitin 2008 për punën e tij duke hetuar zhdukjen e Natalee Holloëay në Aruba në vitin 2005.
