Një 29-vjeçar është arrestuar në Gjirokastër, pasi dyshohet se shpërndante lëndë narkotike të paketuara në qesë të vogla.
Sipas bluve, në pranga ka rënë E. K., 29 vjeç, banues në Tiranë.
Gjatë kontrolit të këtij shtetasi në aksin rrugor Kakavijë-Gjirokastër, gjetën doza me lëndë të dyshuar narkotike cannabis sativa, gati për shpërndarje.
Në momentin e ndalimit, 29-vjeçari ka gënjyer policët, duke u prezantuar si efektiv i Forcave Komando Tiranë.
Lënda e dyshuar narkotike cannabis sativa, 1 dokument identifikimi i Forcave Komando, 1 automjet dhe 1 aparat celular u sekuestruar për t’u përdorur si provë materiale, ndërsa i dyshuari do të hetohet nga Prokuroria e Gjirokastrës, për veprat penale “Prodhim dhe shitje e narkotikëve” dhe “Përvetësim i titullit apo i detyrës shtetërore”.
