Kur jemi në kulmin e sezonit turistik, vendi ynë është përfshirë nga një sërë ngjarjesh aspak të mira përsa i përket tërheqjes së turistëve të huaj në vendin tonë.
Së fundmi, në rrjetet sociale ka qarkulluar një video nga qyteti i Himarës ku duken dy djem të rinj shqiptarë, të cilët konfliktohen me një turist me ngjyrë, por me fizik shumë më të madh se ata.
Turisti në fjalë, të cilit i thërrasin, Lulu, merret me hitchhiking (autostop) dhe ndodhet në Shqipëri për të eksploruar vende të reja, por që u përball me një situatë të papritur.
Gjatë ndalesës së tij në Himarë, dy shqiptarët në video tentuan t’i shisnin turistit marijuanë, por kur ky i fundit i refuzoi, ata e sulmuan.
Lulu shprehet se fatmirësisht është mirë tani, por që me sulme të tilla është përballur edhe më parë vende të tjera që ka vizituar.
Ndërkohë Lulu ka vizituar disa vende në Shqipëri dhe ka mbetur shumë i kënaqur ndërsa ka mësuar edhe disa fjalë shqip.
Ai është shprehur se: “Donin të më shisnin marijuanë, por nuk pranova”.
LEXO EDHE:
Incident në Himarë, dy djemtë tentojnë të sulmojnë fizikisht pushuesin e huaj
Etiketa: Himarë, incident, Sherr, Turisti amerikan
