Kavaja u trondit pasditen e sotme nga një ngjarje e rëndë.
Në ambientet e komisariatit të qytetit, u vetëvra 31-vjeçari Ilvi Meta, i arrestuar për një vjedhje.
Ka reaguar pas ngjarjes i ati i tij, i cili tha se djalin ia arrestuan për një derë alumini dhe nuk e kishin informuar për ngjarjen.
“Polici qensh, polici qensh janë, e morën paradite bënë kontroll në shtëpi, edhe thanë do ta sjell, s’ka gjë s’ka gjë edhe ikën. E akuzuan për vjedhjen e një dere alumini. Nuk e di, unë isha në një lokal duke pirë kafe me një shok, vetëm kur më thanë Agim ik tek shpia se ka ndodh diçka. Kur shkova në shtëpi gjeta gruan, vajzën duke qarë. Nuk më kanë thënë asgjë, qoftë policia, kryeministri Edi Rama që mos e bëfshin pikën e hajrit. Nuk e di s’më ka ardhur asnjë informacion. S’më kanë thënë asgjë, do ta zbardh këtë gjë”, tha babai i tij i 31-vjeçarit, për “Top Channel”.
Në lidhje me ngjarjen po hetohet dhe përgjegjësia e punonjësve të policive në detyrë.
