Konflikti për disa metra territor plazh në Velipojë ka përfunduar me 4 të vrarë dhe 2 të plagosur, duke tronditur kështu jo vetëm zonën, por të gjithë vendin në një kohë kur përpiqemi të dalim të rimëkëmbur në këtë fillim sezoni turistik nga një pandemi që jo pak na goditur.
Personi që shihni në foto është Edmond Gocaj 38-vjeç i cili mbeti i vrarë në masakrën në Velipojë gjatë orëve të para të mëngjesit. Bashkë me të humbi jetën edhe vëllai i tij më i vogël, Xhovani Gocaj, 25 vjeç.
Dy vëllezërit e vrarë, majtas Xhovani Gocaj, djathtas Edmond Gocaj
Të vrarë mbetën edhe Kujtim Ferracaku 59-vjeç e Musaen Zeneli 20 vjeç. Konflikti lindi për disa metra territor plazh mes anëtarëve të 2 familjeve pronarë hotelesh, Ferracaku dhe Gocaj.
Hotelet ishin vetëm 50 m larg njëri-tjetrit, ndërsa dy familjet konfliktoheshin prej kohësh për rërën ku vendosnin çadrat e plazheve.
Deri tani policia ka arrestuar Hasan Ferracakun dhe nipin e tij Elmedin Tyli, të cilët mbeten të plagosur nga ngjarja dhe ndodhen në spital. Në kërkim janë shpallur tre djemtë e Hasan Ferracakut, të cilët dyshohet se kanë qëlluar me armë zjarri mesnatën e të shtunës.
LEXO EDHE:
Ky është Xhovani Gocaj, 25-vjeçari që u vra në Velipojë, bashkë me të vëllanë
