Përplasja mes grupeve kriminale në vend po vijon në Lushnje dhe në Fier. Ekzekutimi i Enver Boriçit, shikohet nga ekspertët kriminalistikë si një larje hesapesh mes bandave kriminale. Kjo edhe për faktin se është vrarë një ish-anëtarë i bandës së Lushnjes, por edhe për shkak se “Boriçët”, njihen si një ndër fiset më të forta në Lushnje dhe në Fier.
Enver Boriçi, është vëllai i Ben Boriçit, krahut të djathtë të Aldo Bares, ish-kreu i bandës së Lushnjës. Aktualisht vëllai i pronarit të lokalit është në burg, ndërsa nuk dihet nëse ngjarja ka lidhje me të shkuarën e tij.
Enver Boriçin, ish-anëtar i Bandës së Lushnjes, ka qenë duke pirë kafe në lokalin e tij kur një person i maskuar është afruar dhe e ka qëlluar për vdekje.
Enver Boriçi është vrarë gjatë natës dhe ishte i vetëm në lokal. Ai është gjetur i pajetë mëngjesin e sotëm nga disa klientë. Sipas dëshmitarëve, autori ishte i maskuar, rreth moshës 25-35 vjeç dhe dyshohet se është ndihmuar edhe nga persona të tjerë për tu larguar nga vendi i ngjarjes.
Enver Boriçi
Kush është Ben Boriçi:
Ben Boriçi është pjesë e grupit të quajtur “Boriçët”, që janë me precedent kriminal dhe veprojnë kryesisht në fushën e krimeve kundër personit. Ai është arrestuar 5 herë të tjera nga policia për veprat penale “Tentativë vrasje”, “Kanosje”, “Shkatërrim prone” dhe “Armëmbajtje pa leje”.
Për këto vepra ai kishte marrë masën “Detyrim Paraqitje”. Ndërkaq, ai është dënuar për disa vepra të tjera penale, në periudha të ndryshme:
-Në vitin 1999 ai u arrestua për “Shkëmbim zjarri”, “Tentativë vrasje” dhe “Armëmbajtje pa leje”.
-Në vitin 2008-2011 ka vuajtur dënimin në burgun e Milanos për veprën penale “Shfrytëzim prostitucioni”.
-Në 11.11.2013 është arrestuar në flagrancë për veprën penale “Armëmbajtje pa leje” dhe është dënuar me 4 vjet e 8 muaj burg.
-Në 22.06.2017 është arrestuar për veprat penale “Armëmbajtje pa leje”, shkatërrim prone”, “Kanosje” dhe “Prishje të rendit dhe qetësisë publike”. Në Seman ka qëlluar me armë dhe ka shkatërruar lokalin e shtetasit A.C.
Hera e fundit që është arrestuar ka qenë në 2018, ku i janë gjetur 2 pistoleta dhe 1 shpatë.
Ben Boriçi
Lexo edhe:
Vritet me armë zjarri ish-anëtari i bandës së Lushnjes (Emri+detaje)
