Ish-rektori i UET, Prof.Dr. Tonin Gjuraj, merr pjesë në Asamblenë e Përgjithshme të UNIMED, Unioni i Universiteteve Mesdhetare, në datat 25 dhe 26 tetor, që mbahet në Ca’ Foscari Universiti i Venecias në Itali.
Tema e këtij takimi është: Të Formësosh Mesdheun – Nga Bashkëpunimi në Integrim. UET është i vetmi anëtar nga universitetet shqiptare i UNIMED, anëtarësuar para 3 vitesh.
Me UNIMED, UET ka dy projekte: COMMO1 dhe Aldo Moro Bari Credit Mobility, me disa partnerë të tjerë brenda projekteve, Foggia, Teramo, Bari, La Sapienza dhe ‘International University of Milan’.
Pra, UET ka një numër të konsiderueshëm mobilitetesh me këto universitete italiane. Deri tani, UET ka nisur 2 staf të brendshëm në keto 3 vite anëtarësim dhe ka pritur 4 prej tyre. Po ashtu, 7 studentë kanë qenë në këto universitete, duke pritur 2 studentë italiane ne UET.
Universiteti pritës këtë herë, Ca’ Foscari, kremton 150-vjetorin e themelimit.
UNIMED është një rrjet me më shumë se 100 universitete nga 23 vende të Mesdheut. Përmes iniciativave të tij, UNIMED promovon bashkëpunimin mesdhetar midis universiteteve mbi edukimin, kërkimin, inovacionin, dialogun ndërkulturor dhe mobilitetin studentor, duke favorizuar kështu ndarjen e praktikave më të mira dhe transferimin e dijes me njëri-tjetrin.
