12 nxënës të shkollës 9-vjeçare në Postribë të Shkodrës kanë shfaqur shenja helmimi. Ngjarja ka ndodhur mbrëmjen e kaluar.
Mësohet se nxënësit e moshës 10-12 vjeç janë helmuar ditën e djeshme dhe 4 prej tyre janë ende në spital.
Ata kanë pasur simptoma marrje mendsh dhe të vjella. Dyshohet se shkak i helmimit është ushqimi në Fast Food, jo shumë larg ambienteve të shkollës.
Rasti po hetohet nga AKU dhe ISSH, ndërkohë që policia ka shoqëruar pronarët e Fast Food-eve.
Njoftimi i policisë:
Shkodër
Ditën e djeshme, në orën 20:50 është marrë njoftim se në Spitalin Rajonal Shkodër janë paraqitur për mjekim 12 fëmijë të moshës 10-12 vjeç, me shenja intoksikimi, të cilët janë jashtë rrezikut për jetën.
Sipas familjarëve të tyre fëmijët kanë konsumuar ushqim në një fast food, përpara shkollës në qendër të fshatit Postrribë, Shkodër.
Janë shoqëruar pronarët e fast food-it për deklarime, si dhe po bëhen verifikimet nga Drejtoria AKU.
Vijojnë veprimet hetimore, nën drejtimin e Prokurorisë së Rrethit Gjyqësor Shkodër.
