Ushtarët e demoralizuar rusë janë duke “shpikur” mënyra për t’u larguar nga vendi që të mos i bashkohen luftës në Ukrainë. Disa prej tyre, sipas inteligjencës ukrainase, po sajojnë edhe martesa të rreme.
Një bisedë e përgjuar mes një ushtari rus dhe mikut të tij zbuloi se oficerët “nuk kishin fare mundësi” dhe shumë prej tyre kishin bërë tashmë përpjekje të pasuksesshme për t’u shkarkuar.
Ushtari rus u dëgjua të thoshte: “Ose plagosesh, vritesh ose ka një urdhër zyrtar për t’u tërhequr.” Ai shtoi se ai vetë kishte tentuar të organizonte një martesë të rreme në përpjekje për t’i shpëtuar konfliktit.
