Aktualitet

Lejonin muzikën pas orës 20:00, gjobiten aktivitetet në Vlorë dhe Sarandë





Bëni LIKE faqen zyrtare në Facebook
               Publikuar në : 15:45 - 26/07/20 |
mapo.al

Janë gjobitur me nga 1 milion lekë administratorët e 2 bar-restoranteve në Vlorë dhe 1 lokali në Sarandë pasi kanë ushtruar aktivitet me muzikë pas orës 20:00.


Me vendim qeverie, nga data 20 korrik hyri në fuqi Akti Normativ, i cili: – Ndalon hapjen e klubeve të natës, diskove, lounge bareve dhe çdo lloj shërbimi të kësaj natyre në mjedis të mbyllur apo të hapur, përveç restoranteve; – Ndalon muzikën pas orës 20:00 në të gjitha mjediset e shërbimeve të çfarëdolloji.


Informacion Paraprak


Vlorë, Sarandë


Policia ka ndëshkuar me nga 1 milion lekë gjobë, administratorët e tre lokaleve, pasi u konstatuan duke ushtruar aktivitet me muzikë në kundërshtim me Aktin Normativ.

Strukturat e Drejtorisë Vendore të Policisë Vlorë, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar dy bar-restorante në Vlorë dhe një lokal në Sarandë që vazhdonin të ushtronin aktivitet me muzikë pas orës 20:00, në kundërshtim me Aktin Normativ, duke mos respektuar kufizimin e përcaktuar nga Policia e Shtetit.

Për secilin nga këto subjekte, me administratorë shtetasit G. L., K. N. dhe F. M., shërbimet e Policisë kanë vendosur masë administrative 1.000.000 lekë.

Policia e Vlorës apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.


Etiketa: , ,

Pas