Bëni kujdes të mos e konsumoni nëse vëreni se vaji i peshkut në suplementet që blini në farmaci ka shkrirë
Përthithja e acideve yndyrore nga vaji i peshkut është tre herë më e lartë kur këto suplemente merren gjatë një vakti të mirë. Marrja e suplementeve të acideve yndyrore omega-3 është e dobishme për shëndetin e organizmit. Megjithatë, përfitimi i të gjitha vlerave është në varësi edhe të kohës se kur këto suplemente duhen marrë. Me kohën nuk nënkuptojmë një orë të caktuar të ditës por më saktë rëndësinë e vakteve ushqimore në përthithjen më të mirë të këtyre acideve. Ekspertët shpjegojnë se yndyrat e marra gjatë një vakti ndihmojnë në përthithjen sa më të mirë të suplementeve nga sistemi. Një studim të cilit i referohet AgroWeb.org tregoi se përthithja e acideve yndyrore nga vaji i peshkut është tre herë më e lartë kur këto suplemente merren gjatë një vakti të mirë.
Megjithatë gjatë marrjes së suplementeve duhet të keni parasysh disa rekomandime.
Përfitimet e marrjes së Omega-3 në mëngjes
Mëngjesi është periudha më e mirë për organizmin e disa individëve. Sipas informacioneve të AgroWeb.org, nëse ju keni një rutinë të caktuar në mëngjes, atëherë në të mund të përfshini edhe marrjen e suplementeve të Omega-3. Nëse në fillim të ditës, ju hani ushqim të pasur me vezë, avokado dhe lëngje perimesh dhe frutash, atëherë në mëngjes organizmi do të përthithë më mirë acidet yndyrore. Nëse ju në mëngjes hani vetëm fruta, atëherë acidet yndyrore është më mirë të mos i merrni në mëngjes.
Përfitimet e marrjes së suplementeve në drekë
Nëse vakti i drekës përbëhet nga mishi, peshku apo arrorët, atëherë kjo është periudha e duhur për acidet yndyrore. Për më tepër, në mbrëmje mund të ndiheni më të qetë dhe të vëmendshëm.
Suplementet e lëngshme apo kapsula
Nëse nuk ju pëlqejnë suplementet e ngurta, atëherë mund të zgjidhni ato të lëngshme, të cilat zakonisht kanë pak yndyrë në përmbajtjen e tyre.
Këshilla
Përzgjedhja e kohës së marrjes së suplementeve të acideve yndyrore ka një rol të rëndësishëm në marrjen e përfitimeve. Nëse ju merrni medikamente të tjera në mbrëmje, atëherë në këtë kohë mund të merrni edhe vajin e peshkut. Zgjidhni formatin që ju përshtatet dhe jini të rregullt në marrjen e suplementeve. Shpesh keni dëgjuar që vaji i peshkut nuk rekomandohet të merret gjatë muajve të ngrohtë. Studimet të cilave u referohet AgroWeb.org, tregojnë se kjo është e pavërtetë, e mbetur nga koha kur vaji i peshkut nuk ruhej në freski.
Vaji i peshkut, nëse nuk ruhet siç duhet oksidohet
Bëni kujdes të mos e konsumoni nëse vëreni se vaji i peshkut në suplementet që blini në farmaci ka shkrirë. Por nëse ai ruhet në kushte të përshtatshme në frigorifer, Organizatat e Shëndetit e rekomandon atë të merret edhe gjatë muajve të ngrohtë. Mbase në sasi pak më të reduktuara. Madje gjatë verës është e rekomandueshme të konsumohet edhe më shumë peshk, pasi organizmi e pranon dhe e përvetëson më mirë.
Vaji i peshkut i bën mirë zemrës
Studimet kanë treguar se njerëzit që konsumojnë shumë peshk kanë më pak gjasa të preken nga sëmundjet e zemrës. Të dhënat shkencore tregojnë se peshku ose vaji i tij luftojnë shumë prej faktorëve të rrezikut të sëmundjeve të zemrës siç janë: kolesteroli, trigliceridet, tensioni i gjakut, tromboza, aritmia. Pavarësisht kësaj, vaji i peshkut ose suplementët e tij nuk parandalojnë atakun në zemër ose goditjet në tru.
Çrregullimet mendore, ankthi dhe depresioni
Truri përbëhet nga 60% yndyrë dhe shumica e kësaj yndyre është acid yndyror omega-3. Rrjedhimisht këto acide yndyrore janë thelbësore për funksionin normal të trurit. Sipas tyre suplementet e vajit të peshkut parandalojnë simptomat e këtyre çrregullimeve siç janë skizofrenia ose çrregullimet bipolare. Depresioni nga ana tjetër, pritet të jetë sëmundja me peshën e dytë për nga madhësia në të gjithë barrën globale të sëmundjeve në vitin 2030. Studimet kanë treguar se vaji i peshkut dhe suplementet e omega-3 mund të përmirësojnë simptomat e depresionit.
Mbipesha
39% e të rriturve në mbarë globin janë mbi peshë. Suplementet e vajit të peshkut përmirësojnë përbërjen yndyrore të trupit dhe zbusin faktorët e rrezikut të sëmundjeve të zemrës. Disa studime kanë treguar se suplementet e vajit të peshkut në kombinim me ushqyerjen e shëndetshme dhe aktivitetin fizik ndihmojnë në rënien në peshë.
Shëndeti i syve
Acidet yndyrore omega-3 janë thelbësore për shëndetin e syve që përkeqësohet me kalimin e moshës. Këto acide yndyrore merren duke konsumuar peshk sipas rekomandimeve të OBSH-së ose vaj peshku.
Vaji i peshkut kundër inflamacionit
Vaji i peshkut ka vlera kundër inflamacionit dhe ndihmon kundër sëmundjeve të shkaktuara nga inflamacioni kronik. Për shembull, vaji i peshkut rekomandohet dhe funksionon te njerëzit obezë dhe të stresuar. Sipas të dhënave të AgroWeb.org, suplementet ndikojnë kundër dhimbjeve të kyçeve, reumatizmës e të tjera.
Vaji i peshkut për lëkurën
Lëkura është organi më i madh në organizëm dhe përmban shumë acide yndyrore omega-3. Shëndeti i lëkurës përkeqësohet me kalimin e moshës ose pas ekspozimit në rritje në diell.
Shtatzënia dhe fëmijët
Fëmijët e prekur nga çrregullime si hiperaktiviteti apo shpërqendrimi i lartë kanë mungesë të acideve yndyrore omega-3. Suplementet e vajit të peshkut përmirësojnë këto simptoma, përfshirë impulsivitetin e lartë dhe agresivitetin te fëmijët. Acidet yndyrore omega-3 janë thelbësore për rritjen dhe zhvillimin e fetusit.
Vaji i peshkut kundër yndyrës në mëlçi
Sëmundjet e mëlçisë dhe akumulimi i yndyrave në të janë të rrezikshme. Suplementet me vaj peshku përmirësojnë funksionet e mëlçisë, shkrijnë dhjamin e akumuluar dhe luftojnë inflamacionin.
Astma dhe alergjitë
Studimet kanë treguar se acidet yndyrore omega-3 dhe suplementet e vajit të peshkut zbusin simptomat e astmës dhe alergjive sidomos në fëmijëri. Kjo vlen për nënat që konsumojnë vaj peshku. Impakti do të tejzgjatet edhe te fëmijët.
Shëndeti i kockave
Acidet yndyrore omega-3 përmirësojnë densitetin e mineraleve në kocka te të rriturit dhe të moshuarit. Acidet yndyrore dhe vaji i peshkut janë thelbësore kundër frakturave dhe sëmundjeve si osteoartriti ose osteoporoza. Nëse nuk konsumoni peshk çdo javë atëherë duhet të merrni suplemente.