Përgjegjësja e programit kombëtar të vaksinimit në Institutin e Shëndetit Publik, Rovena Daja thotë se Shqipëria ka arritur objektivin e OBSH-së.
Sipas saj, objektivi për këtë vit është që të vaksinohet 70% e popullsisë.
“Objektivi i vendosur aktualisht nga OBSH është që të kemi të vaksinuar me të dyja dozat mbi 40 % të popullatës. Më pas është një objektiv i cili është vendosur që deri në fund të vitit të arrihet mbi 70 %, por kjo do duket në vazhdimësi se si do eci”, u shpreh Daja.
Aktualisht në Shqipëri është vaksinuar plotësisht me të dyja dozat 41 % e popullsisë, ndërsa me një dozë 45 % .
Autoritetet shëndetësore thonë se shqetësim mbeten ato bashki që kanë një mbulesë të ulët vaksinale që arrin deri në 30 %.
