Deputeti i Partisë së Lirisë, Petrit Vasili ka komentuar deklaratën e kryeministrit Edi Rama një ditë më parë, i cili, thotë se Rama gënjen për të justifikuar pastrimin e parave që bëhet në të gjithë vendin.
Postimi i Petrit Vasilit:
Rama gënjeshtër e re, tani e ka me Gjermaninë, që të mbrojë Sinaloan! Po si nuk u ngop duke gënjyer ky shkollëpak. Për të justifikuar lidhjet e veta me Sinaloan gënjeu prapë si derr. Ngatërroi Spanjën në Pandemi, pastaj Zvicrën për energjinë elektrike, tani ju hodh Gjermanisë.
Me gojën plot dhe trurin bosh shkollëpaku deklaroi dje, që pasuria e Kartelit të Sinaloas është më e madhe se GDP e Gjermanisë. Agjencia Bloomberg qartësisht tregon se GDP e Gjermanisë është mbi 3.8 Trilion dollarë( tre mijë e tetëqind miliard dollarë) kurse pasuria e Sinalos është rreth 3 miliard dollarë, pra nja një mijë e dyqind herë më pak se Gjermania.
Për të justifikuar pastrimin e parasë, që bëhet sheshit anë e mbanë vendit ky Rama gënjen dhe thotë gomarllëqe të tilla. Se ky edhe gënjen edhe lë gjithmonë nam se është vetë zero nga mendja dhe zero i ka edhe ata, që mban përqark.
