Kronika

Vdekja e 27-vjeçarit nga koronavirusi, reagon Urgjenca: Iu dha ndihma e nevojshme mjekësore





Bëni LIKE faqen zyrtare në Facebook
               Publikuar në : 15:42 - 24/07/20 |
mapo.al

Një 27-vjeçar nga Kavaja ndërroi jetë sot nga koronavirusi, ndërkohë që nuk kanë munguar aludimet se atij nuk iu dha ndihma e nevojshme mjekësore.


Urgjenca Kombëtare Mjekësore ka reaguar duke sqaruar se të riut nuk i është mohuar për asnjë moment shërbimi mjekësor pasi kishte rezultuar pozitiv me COVID-19, por që vuante edhe nga një sëmundje gjaku e lindur.


Urgjenca ka publikuar edhe regjistrimet nga momenti kur 27-vjeçari ka telefonuar për ndihmë mjekësore. Gjithashtu, Urgjenca thekson se i riu ka telefonuar dy herë për shërbim mjekësor dhe në të dyja rastet e ka përfituar, ndërsa më pas është transportuar në spitalin Infektiv të Tiranës në datën 21 korrik.


Tre ditë më pas ai ndërroi jetë, ndonëse ishte asimpatomatik nga virusi COVID-19.


Reagimi
Qendra Kombëtare e Urgjencës Mjekësore sqaron opinionin publik në lidhje me humbjenn e jetës së 27 vjeçarit nga Kavaja. QKUM ngushëllon familjarët për hubjen e jetës së djalit 27 vjeçar. Lidhur me dezinformimin e përhapur në media se të riut i është mohuar shërbimi mjekësor, sqarojmë si vijon:

Pacienti me inicialet A.C, 27 vjeç, ka telefonuar për herë të parë në numrin unik të Urgjencës Kombëtare 127, në datën 21 Korrik, rreth orës 14:00. Pacienti referon se është Covid-19 pozitiv dhe vuante nga drepanocitoza dhe hepatiti B. Ka shkuar ekipi mjeksor i spitalit Kavajë dhe pasi e ka bërë vizitën mjeksore ka aplikuar një terapi për qetësimin e simptomave të sëmundjes. Pacienti ishte vizituar edhe nga një mjek pneumolog dhe kishte bërë një konsulencë me mjekun hematolog. Pas një ore qytetari telefonon përsëri 127 duke referuar se nuk po qetësohej. Është dërguar përsëri ekipi mjeksor dhe pacienti është transportuar në spitalin infektiv në QSUT në Tiranë, ku është shtruar që prej datës 21 korrik me kod të verdhë, brenda ditës kur ka telefonuar. (rekordet bashkëlidhur).

Duke hedhur poshtë cdo aludim të pavërtetë për punën e palodhur të ekipeve mjekësore të Urgjencës mjeksore, sqarojmë opinionin publik se Urgjenca Kombëtare është në shërbim 24/7 me profesionalizëm për t’ju përgjigjur nevojave të qytetarëve, jo vetëm pacientëve me COVID por të gjitha patologjive në të gjithë vendin.

27 vjeçari ka marrë ndihmën mjekësore për disa ditë në spitalin infektiv, ku megjithë përpjekjet e stafit, nuk ka mundur të mbijetojë si pasojë e aksidentit cerebral vascular. 27 vjecari vuante nga një sëmundje e lindur e gjakut dhe ishte asimptomatik për COVID19. 


Etiketa: , ,

CLOSE
CLOSE
Pas